«Наша Парафія»

Парафія святого Архистратига Михаїла, Київ, Пирогів

 
БібліотекаМолитвиПравославний молитослов (церковнослов’янською мовою в українській транслітерації)

Недільні тропарі, Богородичні, кондаки, літургійні прокімени і причасні восьми гласів

Камені запечатану от іудей і воїном стрегущим пречистоє Тіло Твоє, воскресл єси, тридневний, Спасе, даруяй мірови жизнь.

Сего ради сили небесния вопіяху Ти, Жизнодавче: слава воскресенію Твоєму, Христе, слава Царствію Твоєму, слава смотренію Твоєму, єдине Человіколюбче.

Богородичен

Гавриїлу віщавшу Тебі, Діво, радуйся, со гласом воплощашеся всіх Владика в Тебі, святім ківоті, якоже рече праведний Давид: явилася єси ширшая небес, поносивши Зиждителя Твоєго. Слава Всельшемуся в Тя, Слава Прошедшему із Тебе, слава Свободившему нас рождеством Твоїм.

Кондак

Воскресл єси яко Бог із гроба во славі і мір совоскресил єси: і єстество человіческоє яко Бога воспіваєт Тя, і смерть ісчезе, Адам же ликуєт, Владико: Єва, нині от уз ізбавляєма, радуєтся, зовущи: Ти єси, Іже всім подаяй, Христе, воскресеніє.

Прокімен

Буди, Господи, милость Твоя на нас, якоже уповахом на Тя.

Причастен

Хваліте Господа с небес, хваліте Єго в вишніх. Аллилуя.

(Увага. Цей Причастен співається щонеділі при всіх восьми гласах).

Глас 2

Тропар

Єгда снизшел єси к смерті, Животе безсмертний, тогда ад умертвил єси блистанієм божества. Єгда же і умершія от преісподних воскресил єси, вся сили небесния взиваху: Жизнодавче, Христе Боже наш, слава Тебі.

Богородичен

Вся паче смисла, вся преславная Твоя, Богородице, таїнства; чистотою запечатана і дівством хранима, Мати позналася єси неложна, Бога рождши істиннаго: Того моли спастися душам нашим.

Кондак

Воскресл єси от гроба, всесильне Спасе, і ад, видів чудо, ужасеся, і мертвії восташа: твар же, видящи, срадуєтся Тебі, і Адам свеселится, і мір, Спасе мой, воспіваєт Тя присно.

Прокімен

Кріпость моя і пініє моє Господь, і бисть мні во спасеніє.

Глас З

Тропар

Да веселятся небесная, да радуются земная, яко сотвори державу мишцею Своєю Господь, попра смертію, смерть; первенец мертвих бисть, із чрева адова ізбави нас, і подаде мірові велію милость.

Богородичен

Тя, ходатайствовавшую спасеніє рода нашего, воспіваєм, Богородице Діво: плотію бо от Тебе воспріятою Син Твой і Бог наш, крестом воспріїм страсть, ізбави нас от тлі яко Человіколюбец.

Кондак

Воскресл єси днесь із гроба, Щедре, і нас возвел єси от врат смертних: днесь Адам ликуєт і радуєтся Єва, вкупі же і пророци с патріархи воспівают непрестанно божественную державу власти Твоєя.

Прокімен

Пойте Богу нашему, пойте, пойте Цареві нашему, пойте.

Глас 4

Тропар

Світлую воскресенія проповідь от Ангеля увідівше Господні ученици і прадіднеє осужденіє отвергшя, апостолом хвалящася глаголаху: іспровержеся смерть, воскресе Христос Бог, даруяй мірови велію милость.

Богородичен

Єже от віка утаєнное і Ангелом несвідомоє таїнство, Тобою, Богородице, сущим на землі явися Бог в неслитнім соєдиненії воплощаєм, і крест волею нас ради воспріїм: імже воскресив первозданнаго, спасе от смерті душі наша.

Кондак

Спас і Ізбавитель мой із гроба, яко Бог, воскреси от уз земнородния, і врата адова сокруши, і яко Владика воскресе тридневен.

Прокімен

Яко возвеличишася діла Твоя, Господи, вся премудростію сотворил єси.

Глас 5

Тропар

Собезначальноє Слово Отцу і Духові, от Діви рождшеєся на спасеніе наше, воспоїм, вірнії, і поклонімся, яко благоволи плотію взити на крест і смерть претерпіти, і воскресити умершия славним воскресеніем Своїм.

Богородичен

Радуйся, двере Господня непроходимая, радуйся, стіно і покрове прибігающих к Тебі, радуйся, необуреваємое пристанище і неіскусобрачная, рождшая плотію Творца Твоєго і Бога: молящи не оскудівай о воспівающих і клняющихся Рождеству Твоєму.

Кондак

Ко аду, Спасе мой, сошел єси, і врата сокрушивий яко всесилен, умерших яко Создатель совоскресил єси, і смерті жало сокрушил єси, і Адам от клятви ізбавлен бисть, Человіколюбче; тім же всі зовем: спаси нас, Господи.

Прокімен

Ти, Господи, сохраниши ни і соблюдеши ни от рода сего і во вік.

Глас 6

Тропар

Ангельскія сили на гробі Твоєм, і стрегущії омертвіша, і стряше Марія во гробі, іщущи пречистаго тіла Твоєго. Плінил єси ад, не іскусився от него: срітил єси Діву, даруяй живот: воскресий із мертвих, Господи слава Тебі.

Богородичен

Благословенную нарекій Твою Матер, пришел єси на страсть вольним хотініем, возсіяв на кресті, взискати хотя Адама, глаголя Ангелом: срадуйтеся Мні, яко обрітеся погибшая драхма; вся мудро устроївий, Боже наш, слава Тебі.

Кондак

Живоначальною дланію умершия от мрачних удолій Жизнодавец воскресив всіх Христос Бог, воскресеніє подаде человіческому роду: єсть бо всіх Спаситель, воскресеніє і живот, і Бог всіх.

Прокімен:

Спаси, Господи, люди Твоя і благослови достояніє Твоє.

Глас 7

Тропар

Разрушил єси крестом Твоїм смерть, отверзл єси разбойнику рай, мироносицам плач преложил єси і апостолом проповідати повеліл єси: яко воскресл єси, Христе Боже, даруяй мірові велію милость.

Богородичен

Яко нашего воскресенія сокровище, на Тя надіюіщияся, Всепітая, от рова і глубини прегрішеній возведи: Ти бо повинния гріху спасла єси, рождшая спасеніє наше: яже прежде рождества Діва, і в рождестві Діва, і по рождестві паки пребиваєши Діва.

Кондак

Не ктому держава смертная возможет держати человіки: Христос бо сниде, сокрушая і разоряя сили єя: связуєм биваєт ад, пророци согласно радуются, предста, глаголюще, Спас сущим в вірі: ізидіте, вірнії, в воскресеніє.

Прокімен:

Господь кріпость людем Своїм даст, Господь благословит люди Своя миром.

Глас 8

Тропар

С висоти снизшел єси, Благоутробне, погребеніє пріял єси тридневноє, да нас свободиши страстей, Животе і Воскресеніє наше, Господи, слава Тебі.

Богородичен

Іже нас ради рождейся от Діви і распятіє претерпів, Благий, іспровергій смертію смерть, і воскресеніє явлей яко Бог, не презри, яже создал єси рукою Твоєю: яви человіколюбіє Твоє, Милостиве, приїми рождшую Тя Богородицу, молящуюся за ни, і спаси, Спасе наш, люди отчаянния.

Кондак

Воскрес із гроба, умершия воздвигл єси і Адама воскресил єси, і Єва ликуєт во Твоєм воскресенії, і мірстії конци торжествуют, єже із мертвих востанієм Твоїм, Многомилостиве.

Прокімен

Помолітеся і воздадіте Господеві, Богу нашему.

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Будь ласка, не коментуйте з доменів mail.ru, yandex.ua/yandex.ru тощо. Ви не будете отримувати сповіщення про відповіді на відгуки. Не користуйтеся послугами країни-окупанта.


Пошук

Допомога ЗСУ

Сторінки

Останні відгуки

Канали RSS


Українська Церковна Архітектура














Нагору