«Наша Парафія»

Парафія святого Архистратига Михаїла, Київ, Пирогів

 
Врятувати Україну можна тільки особистим покаянням і постом. Просимо всіх посилено молитися за Україну.
Бібліотека >> Молитви >> Православний молитослов (церковнослов’янською мовою в українській транслітерації) >>

Молитви Божій Матері

Ікона Божої Матері "Нерушима стіна"

1. Заступнице усердная, благоутробная Господа Мати к Тебі прибігаю аз окаянний і паче всіх человік грішнійший: вонми гласу моленія моєго, і вопль мой і стенаніє услиши. Яко беззаконія моя превзидоша главу мою і аз, якоже корабль в пучині, погружаюся в морі гріхов моїх. Но Ти, Всеблагая і Милосердая Владичице, не презри мене отчаяннаго і во грісіх погибающаго; помилуй мя каюшагося во злих діліх моїх, і обрати на путь правий заблуждшую окаянную душу мою. На Тебе, Владичице моя Богородице, возлагаю все упованіє моє. Ти, Мати Божія, сохрани і соблюди мя под кровом Твоїм, нині і присно і во віки віков. Амінь.

2. К кому возопію, Владичице? К кому прибігу в горесті моєй, аще не к Тебі, Царица Небесная? Кто плач мой і воздиханіє моє приїмет, аще не Ти, Пренепорочная, надеждо христіан і прибіжище нам грішним? Кто паче Тебе в напастех защитит? Услиши убо стенаніє моє, і приклони ухо Твоє ко мні, Владичице Мати Бога моєго, і не презри мене, требующаго Твоєя помощи, і не отрини мене грішнаго. Вразуми і научи мя, Царице Небесная: не отступи от мене, раба Твоєго, Владичице, за роптаніє моє, но буди мні Мати і Заступница. Вручаю себе милостивому покрову Твоєму: приведи мя грішнаго к тихой і безмятежной жизні, да плачуся о грісіх моїх. К кому бо прибігну повинний аз, аще не к Тебі, упованію і прибіжищу грішних, надеждою на неізреченную милость Твою і щедроти Твоя окриляєм? О Владичице, Царица Небесная і Ти мні упованіє і прибіжище, покров і заступленіє і помощ. Царице моя Преблагая і скорая Заступнице, покрий Твоїм ходатайством моя прегрішенія, защити мене от враг видимих і невидимих; умягчи сердца злих человік, восстающих на мя. О Мати Господа моєго Творца, Ти єси корень дівства і неувядаємий цвіт чистоти. О Богородительнице і Ти подаждь ми помощ немощствующему плотскими страстьми і болізнующему сердцем, єдино бо Твоє і с Тобою Твоєго Сина і Бога нашего імам заступленіє; і Твоїм пречудним заступленієм да ізбавлюся от всякія біди і напасті, о Пренепорочная і Преславная Божія Мати Маріє. Тімже со упованієм глаголю і вопію: радуйся, Благодатная; радуйся, Обрадованная, радуйся, Преблагословенная; Господь с Тобою.

3. Царице моя Преблагая, надеждо моя, Богородице, прибіжище сирих1 і странних предстательнице, скорбящих радосте, обидимих покровительнице! Зриши мою біду, зриши мою скорб, помози ми яко немощну, окорми мя яко странна. Обиду мою віси, разріши ту, якоже волиши: яко не імам іния помощи разві Тебе, ні іния предстательници, ні благія утішительници, токмо Тебе, о Богомати, яко да сохраниши мя і покриєши во віки віков, Амінь.

4. О, Пресвятая Діво, Мати Господа Вишняго, Заступнице і покрове всіх к Тебі прибігающих! Призри з висоти святия Твоєя на мя грішнаго, припадающаго ко пречистому образу Твоєму; услиши мою теплую молитву і принеси ю пред возлюбленнаго Сина Твоєго, Господа нашего Ісуса Христа; умоли Єго, да озарит мрачную душу мою світом Божественния благодаті Своєя, да ізбавит мя от всякія нужди, скорбі і болізні, да низпослет мні тихоє і мирноє житіє, здравіє тілесноє і душевноє, да умирит страждущеє сердне моє і ісцілит рани єго, да наставит мя на добрия діла, ум мой убо от помишленій суєтних да очистит, ісполненію же заповідей Своїх мя научив, от вічния муки да ізбавит і Своєго Небеснаго Царствія да не лишит мя. О, Пресвятая Богородице і Ти, всіх скорбящих Радосте, услиши і мя скорбнаго; Ти, іменуємая «Утоленіє печалі», утоли і мою печаль: Ти, «Купино Неопалимая» сохрани мір і всіх нас от вредоносних огненних стріл врага; Ти, «Взисканіє погибших», не попусти і мні погибнути в бездні гріхов моїх. На Тя бо по Бозі вся моя надежда і упованіє. Буди мні в жизні временній Заступнице, і о жизні вічній пред возлюбленим Сином Твоїм, Господом нашим Ісусом Христом, Ходатаїца. Научи мя Тому убо с вірою і любовію служити, Тебе же, Пресвятая Мати Божія, Преблагословенная Маріє, благоговійно чтити до скончанія дней моїх. Амінь.

Молитва до Пресвятої Богородиці перед Почаївською її іконою

Почаївська Ікона Божої Матері

К Тебі, О Богомати, молитвенно притекаєм ми, грішнії, чудеса Твоя, во святій Лаврі Почаєвстій явленная, поминающе, і о своїх сокрушающеся прегрішеніїх. Віми, Владичице, віми, яко не подобаше нам грішним чесого просити, токмо, о єже праведному Судії беззаконія наша оставити нам. Вся бо нами в житії претерпінная, скорби же і нужди і болізні, яко плоди паденій наших прозябоша нам. Богу сія на ісправленіє наше попущающу. Тімже вся сія істиною і судом Своїм наведе Господь на грішния раби Своя, іже в печалех своїх к заступленію Твоєму, Пречистая, притекоша, і во умиленії сердец к Тебі взивают сице: гріхов і беззаконій наших, Благая, не помяни, но паче всечестния руці Твоя воздвигши, к Сину Твоєму і Богу предстани, да люто содіянная нами отпустит нам, да за премногія неісполненная обіщанія наша, ліца Своєго от рабов Своїх не отвратит, да благодаті Своєя, спасенію нашему пособствующія от душ наших не отимет. Єй, Владичице, буди спасенію нашему ходатаїца і малодушія нашего не возгнушавшися, призри на стенанія наша, яже в бідах і скорбіх наших пред чудотворним Твоїм образом возносим. Просвіти умиленними помисли уми наша, віру нашу укріпи, надежду утверди, любве сладчайший дар сподоби нас прияти. Сими убо, Пречистая, дарованьми, а не болізньми і скорбми живот наш ко спасенію да возводится, но от унинія і отчаянія душі наша ограждающи, ізбави нас маломощних от находящих на ни бід і нужд, і клевети человіческія і болізней нестерпимих. Даруй мир і благоустроєніє жительству християнскому предстательством Твоїм, Владичице, утверди Православную віру в страні нашей і во всем мірі. Церков апостольскую і соборную умаленію не предаждь, устави святих отец навіки непоколебими сохрани, всіх к Тебі притекаюших от рова погибельнаго спаси. Єше же і єресію прельщенних братій наших іли віру спасительную в гріховних страстех погубивших паки ко істинній вірі і покаянію приведи, да, вкупі с нами Твоєму чудотворному образу поклоняющеся. Твоє предстательство ісповідят. Сподоби убо нас, Пречистая Госпоже Богородице, єше в животі сем побіду істини Твоїм заступленієм узріти, сподоби нас благодатную радость прежде кончини нашея воспріяти, якоже древле насельники почаєвстії Твоїм явленієм побідителі і просвітителі агарян показала єси, да всі ми благодарним сердцем вкупі со ангели і пророки і апостоли і со всіми святими Твоє милосердіє прославляюще, воздадим славу, честь і поклоненіє в Тройці піваємому Богу Отцу, і Сину, і Святому Духу, во віки віков. Амінь.

  1. Осиротілих. []

Можете використовувати такі теґи: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>


Пошук

Сторінки

Важливе

Останні відгуки

Канали RSS